وَٱلتِّينِ وَٱلزَّيْتُونِ﴿١﴾
Анжир билан қасам ва зайтун билан қасам.
وَطُورِ سِينِينَ﴿٢﴾
Ва Тури Сийно билан қасам.
وَهَٰذَا ٱلْبَلَدِ ٱلْأَمِينِ﴿٣﴾
Ва мана бу, эминлик юрти (Макка) билан қасам.
لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍ﴿٤﴾
Батаҳқиқ, Биз инсонни энг яхши суратда яратдик.
ثُمَّ رَدَدْنَٰهُ أَسْفَلَ سَٰفِلِينَ﴿٥﴾
Сўнгра уни асфала сафилинга қайтардик. (Инсон Яратганига ибодатда бўлса, фариштадан ҳам афзалроқ мартабага эришди. Аммо ҳавои нафси, ҳайвоний хирслари ақлидан устун келиб нафснинг айтганидан юрадиган бўлса, ҳайвондан ҳам баттар ҳолатга тушади. Ана ўшанда асфала сафилинни кўраверади.)
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَلَهُمْ أَجْرٌ غَيْرُ مَمْنُونٍ﴿٦﴾
Магар иймон келтирганлар ва яхши амаллар қилганларга миннатсиз ва узлуксиз ажрлар бордир.
فَمَا يُكَذِّبُكَ بَعْدُ بِٱلدِّينِ﴿٧﴾
Бас, сени нима охиратни ёлғонга чиқаришга олиб келади (эй кофир)?
أَلَيْسَ ٱللَّهُ بِأَحْكَمِ ٱلْحَٰكِمِينَ﴿٨﴾
Аллоҳ ҳукм қилгувчиларнинг энг ҳикматлиси эмасми?!